【《天邊的目眉》分享會——台文讀冊會】
✨ 台語講萬事，萬事講台語，鬥陣來讀台文冊 ✨
結合南渡策室「台讀會」活動，頭一點鐘共讀廖鴻基老師 ê 作品《天邊的目眉》，
做伙來熟似老師 ê 創作。讀煞了後，隨接老師講座。
這擺廖鴻基老師會來分享伊討海、創作過程中 ê 思考和感受，
邀請逐家以台語來思考、來感受台灣 ê 海洋文化。
活動現場 mā 會展出進前台讀會參與者 ê 創作，透過藝術來表達對這本冊 ê 感受！
𓊆 ⋯ 活動資訊 ⋯ 𓊇
時間｜2025年12月4號（拜四）18:00～21:00
地點｜天井．樹 Villa（臺南市中西區國華街三段211號）
主講｜廖鴻基（作家）
👌 台語家庭抾點 3 點，註冊台語家庭閣送好食 ê 點心--o͘h ✧*｡٩(ˊᗜˋ*)و✧*｡
＃台語比例 90 %，邀請想欲學台文 ê 有志同齊來！
𓊆 ⋯ 主講介紹 ⋯ 𓊇
👉 廖鴻基
台灣文學作家。捌討過海，做海洋生態調查、規劃賞鯨活動，起造黑潮海洋文教基金會、創辦花蓮縣福爾摩沙協會。作品包括《最後的海上獵人》、《魚夢魚：阿料的魚故事》、《天邊的目眉》。其中《天邊的目眉》是廖鴻基頭一本台文創作，入圍2025年金典獎。
⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰
𓊆 ⋯ 萬事起頭南 Bān-sū Khí-thâu Lâm：2025臺南台語家庭推廣計畫 ⋯ 𓊇
一系列結合台語、文化、生活 ê 活動，期待透過親子共學、社群交流和多元學習，共台語學轉來，變成逐家日常交流 ê 語言，共「台語正常化」 ê 基礎拍予穩。
「萬事起頭南」是「萬事起頭難」 ê 倚音，表達計畫對臺南出發，共關心台語文 ê 團體、社團箍做伙，配合文化部台語家庭政策，舉辦一系列活動，目的想欲起造自然、趣味 ê 台語使用環境，幫助閣較濟家庭和個人 hāⁿ 出頭一步「開喙講台語」，希望台語毋但活佇限定場合，應該愛活佇生活內底、每一个人 ê 喙內底，成做逐家自然交流 ê 生活語言。
👇系列活動消息，請follow迷眾頁👇
指導單位｜文化部
主辦單位｜臺南市政府文化局
執行單位｜南渡策室
美術設計｜曾宜雅
