【內行的聽曲盤——傳奇演藝大師作品分享會】
✨ 台語講萬事，萬事講台語，鬥陣來聽台語歌 ✨
八九十冬前，台灣演藝文化大爆發，歌唱、戲劇、音樂、講古，
毋管新的抑舊的、南的抑北的，造就台灣第一批演藝大師。
以早只有文獻紀錄的大名，竟然 mā 踮曲盤內底，予咱有機會通欣賞、聽捌。
曲盤收藏家黃士豪以及歌謠研究家黃裕元同台合作，
特別揀各色大師級的曲盤作品，現場放送、深入解破！
場所無大，請提早報名，做伙欣賞咱台灣正範的聲音魅力。
𓊆 ⋯ 活動資訊 ⋯ 𓊇
時間｜2025年11月26號（拜三）19:00～21:00
地點｜奉茶．十八卯（台南市中西區民權路二段30號）
主講｜黃裕元（國立臺灣歷史博物館研究組組長）、黃氏好（曲盤聽講文化工作室創辦人）
👌 台語家庭抾點 2 點，註冊台語家庭閣送好食 ê 點心--o͘h ✧*｡٩(ˊᗜˋ*)و✧*｡
＃台語比例 90 %，邀請想欲學台語 ê 有志同齊來！
𓊆 ⋯ 主講介紹 ⋯ 𓊇
👉 黃裕元
主要研究臺灣唱片和流行歌曲史，這馬是臺灣歷史博物館研究組組長。
捌出版《歌謠交響：許石創作與採編歌謠曲譜集》、《百年追想曲：歌謠大王許石與他的時代》、《流風餘韻—唱片流行歌曲開臺史》等等台灣音樂研究有關 ê 作品。
👉 黃氏好
專業 ê 曲盤仙，收藏足濟曲盤、捌足濟台灣音樂史。
2018年創辦曲盤聽講文化工作室， mā 是城市廣播網台南知音FM97.1「曲盤好時光」主持人。
⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰
𓊆 ⋯ 萬事起頭南 Bān-sū Khí-thâu Lâm：2025臺南台語家庭推廣計畫 ⋯ 𓊇
一系列結合台語、文化、生活 ê 活動，期待透過親子共學、社群交流和多元學習，共台語學轉來，變成逐家日常交流 ê 語言，共「台語正常化」 ê 基礎拍予穩。
「萬事起頭南」是「萬事起頭難」 ê 倚音，表達計畫對臺南出發，共關心台語文 ê 團體、社團箍做伙，配合文化部台語家庭政策，舉辦一系列活動，目的想欲起造自然、趣味 ê 台語使用環境，幫助閣較濟家庭和個人 hāⁿ 出頭一步「開喙講台語」，希望台語毋但活佇限定場合，應該愛活佇生活內底、每一个人 ê 喙內底，成做逐家自然交流 ê 生活語言。
👇系列活動消息，請follow迷眾頁👇
指導單位｜文化部
主辦單位｜臺南市政府文化局
執行單位｜南渡策室
美術設計｜曾宜雅
