【用畫講出臺灣ê話 —— 《哎呦喂啊！愛用畫的》台語繪本創作分享會】
🎨 台語講萬事，萬事講台語，用台語欣賞藝術，發見台灣 ê 色水 🖼️
《哎呦喂啊！愛用畫的》是畸零地工作室創作，用台語認捌藝術 kap 文化 ê 繪本。
故事 ùi 台灣藝術家創作 ê 生活風景出發，有廟埕、路邊攤、街仔路等等，mā 結合創作團隊自細漢佇屏東市場、廟口和水果攤 ê 生活記持。
ùi 囡仔 ê 角度，邀請逐家透過本土語言，認捌咱 ê 土地 kap 文化。
想欲了解創作繪本 ê 過程、藏佇畫面內底 ê 故事？
邀請你做伙感受台灣 ê 色水，走入《哎呦喂啊！愛用畫的》五彩鬧熱 ê 世界。
𓊆 ⋯ 活動資訊 ⋯ 𓊇
時間｜2025年11月25號（拜二）19:00～21:00
地點｜南渡策室Ｘ無有為書店（台南市東區崇信街53號）
主講｜黃以臻（畸零地工作室）
👌 台語家庭抾點 2 點，註冊台語家庭閣送小禮物--o͘h *｡٩(ˊᗜˋ*)و✧*｡
＃台語比例 90 %，邀請規傢伙仔，大人囡仔同齊來！
𓊆 ⋯ 畸零地工作室 Ground Zero ⋯ 𓊇
畸零地工作室由視覺藝術家徐孟榆創立，透過藝術創作 kap 各種專業領域 ê 合作，
思考社會問題 kap 個人經驗 ê 關係，探索公眾 kap 私密空間、政府委託 kap 藝術計畫 ê 精差 kap 連結。
可比一塊土地若是「畸零地」（lân-san-tē），干焦這種狹、彎斡 ê 塊面存在，才會予彼寡佇各種脈絡互相透濫 ê 角度通 hông 看會著。
⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰
𓊆 ⋯ 萬事起頭南 Bān-sū Khí-thâu Lâm：2025臺南台語家庭推廣計畫 ⋯ 𓊇
一系列結合台語、文化、生活 ê 活動，期待透過親子共學、社群交流和多元學習，共台語學轉來，變成逐家日常交流 ê 語言，共「台語正常化」 ê 基礎拍予穩。
「萬事起頭南」是「萬事起頭難」 ê 倚音，表達計畫對臺南出發，共關心台語文 ê 團體、社團箍做伙，配合文化部台語家庭政策，舉辦一系列活動，目的想欲起造自然、趣味 ê 台語使用環境，幫助閣較濟家庭和個人 hāⁿ 出頭一步「開喙講台語」，希望台語毋但活佇限定場合，應該愛活佇生活內底、每一个人 ê 喙內底，成做逐家自然交流 ê 生活語言。
👇系列活動消息，請follow迷眾頁👇
指導單位｜文化部
主辦單位｜臺南市政府文化局
執行單位｜南渡策室
美術設計｜曾宜雅
