【做伙來𨑨迌！——台語囡仔古】
✨ 台語講萬事，萬事講台語，做伙來聽台語囡仔古 ✨
豐富經驗 ê 囡仔古老師 kā 繪本變做一場趣味 ê 遊戲，
囡仔綴 leh 𨑨迌 ê 時陣，其實就是囡仔 leh 用身軀來學習 💡
那聽 𓂃𓂃𓂃 那耍 𓂃𓂃𓂃 那學 𓂃𓂃𓂃
這擺小蟲子老師準備《你一半我一半》 × 《烏熊先生穿懸踏仔鞋》，兩本足心適、足趣味 ê 繪本！
ùi 繪本故事捌人情世事，討論啥物是「分享」？認捌台語「量詞」。
「你一半我一半」到「一雙鞋」，發現每一个人攏會使活出家己 ê 性命！❤️
繪本結合互動遊戲、親子手工工作坊，希望透過輕鬆 ê 方式起造一个台語環境，
予家長做伙學習、囡仔歡喜！ ✨
𓊆 ⋯ 活動資訊 ⋯ 𓊇
時間｜2025年11月19號（拜三）19:00～21:00
地點｜伴個食舖（台南市東區長榮路二段120號1樓）
主講｜小蟲子老師（台南公報社囡仔古老師）
👌 台語家庭抾點 2 點，註冊台語家庭閣送好食 ê 點心--o͘h ✧*｡٩(ˊᗜˋ*)و✧*｡
＃台語比例 90 %，邀請規家伙仔鬥陣來！
𓊆 ⋯ 主講介紹 ⋯ 𓊇
👉蕭瓊子
小蟲子老師，台南公報社囡仔古老師，
定定結合繪本，變出足趣味 ê 遊戲，予大人囡仔做伙𨑨迌。
⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰
𓊆 ⋯ 萬事起頭南 Bān-sū Khí-thâu Lâm：2025臺南台語家庭推廣計畫 ⋯ 𓊇
一系列結合台語、文化、生活 ê 活動，期待透過親子共學、社群交流和多元學習，共台語學轉來，變成逐家日常交流 ê 語言，共「台語正常化」 ê 基礎拍予穩。
「萬事起頭南」是「萬事起頭難」 ê 倚音，表達計畫對臺南出發，共關心台語文 ê 團體、社團箍做伙，配合文化部台語家庭政策，舉辦一系列活動，目的想欲起造自然、趣味 ê 台語使用環境，幫助閣較濟家庭和個人 hāⁿ 出頭一步「開喙講台語」，希望台語毋但活佇限定場合，應該愛活佇生活內底、每一个人 ê 喙內底，成做逐家自然交流 ê 生活語言。
👇系列活動消息，請follow迷眾頁👇
指導單位｜文化部
主辦單位｜臺南市政府文化局
執行單位｜南渡策室
美術設計｜曾宜雅
