【行入陳守娘──民俗中的女性困境和抵抗】
✨ 台語講萬事，萬事講台語，性別議題 mā 會使用台語來討論 ✨
台灣有足濟以女性為主角 ê 民間故事，像「上強女鬼」陳守娘就是其中之一，
這寡故事通常展現出女性悲苦 ê 一面，毋過詳細看，內底 mā 有真濟自主、反抗 ê 情節！
這擺行踏，阮 ùi 陳守娘、林投姐到織女，行入台南巷仔內，
做伙用家己 ê 身軀認捌市內地景， mā 用無仝 ê 角度來思考民間傳說內底 ê 性別議題。
🚩 行踏路線：辜婦媽廟->臨水夫人媽廟->德化堂->永華宮->孔廟->呂祖廟->辜婦媽廟
𓊆 ⋯ 活動資訊 ⋯ 𓊇
時間｜2025年11月15號（拜六）14:00～16:30
集合｜辜婦媽廟（台南市中西區青年路226巷16號16弄2號）
主講｜蘇淋齊（台南新芽秘書長、2025年台南彩虹遊行副召集人）
👌 台語家庭抾點 1 點，註冊台語家庭閣送好食 ê 點心--o̍͘h ✧*｡٩(ˊᗜˋ*)و✧*｡
＃台語比例 90 %，邀請規家伙仔鬥陣來！
𓊆 ⋯ 主講介紹 ⋯ 𓊇
蘇淋齊，台南新芽秘書長、香港行動文獻庫理事長、2025年台南彩虹遊行副召集人。
關心文化資產保存、環境保護、轉型正義、性別、語言等等議題。
⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰
𓊆 ⋯ 萬事起頭南 Bān-sū Khí-thâu Lâm：2025臺南台語家庭推廣計畫 ⋯ 𓊇
一系列結合台語、文化、生活 ê 活動，期待透過親子共學、社群交流和多元學習，共台語學轉來，變成逐家日常交流 ê 語言，共「台語正常化」 ê 基礎拍予穩。
「萬事起頭南」是「萬事起頭難」 ê 倚音，表達計畫對臺南出發，共關心台語文 ê 團體、社團箍做伙，配合文化部台語家庭政策，舉辦一系列活動，目的想欲起造自然、趣味 ê 台語使用環境，幫助閣較濟家庭和個人 hāⁿ 出頭一步「開喙講台語」，希望台語毋但活佇限定場合，應該愛活佇生活內底、每一个人 ê 喙內底，成做逐家自然交流 ê 生活語言。
👇系列活動消息，請follow迷眾頁👇
指導單位｜文化部
主辦單位｜臺南市政府文化局
執行單位｜南渡策室
美術設計｜曾宜雅
